::: منتديات ابداع العراق :::

عزيــزي الزائــر / عزيزتــي الزائــرة يرجـى التكـرم بتسجيـل الـدخـول إذا كـنـت عضـواًَ معـنــا
أو التسجيـل..إن لـم تـكـن عضـواًَ وتـرغـب فـي الأنضمـام الـى أسـرة{ مـُنتديآإت ابداع العراق}
سنتشـرف بتسجيلـك
شكـراًَ
إدارة الـمنـتـدي

::: منتديات ابداع العراق :::

هــلآ وآلـآـهہ يــآ~][.{زائر}.][~نورتـہ مـُنتداك
 
البوابةالرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 فوت وسرع الحاسبة مالتك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
nogi tornado
نائب المدير العام
نائب المدير العام
avatar

عدد المساهمات : 474
نقاط : 850
السٌّمعَة : 9
تاريخ التسجيل : 12/08/2009
العمر : 26
الموقع : U S A

مُساهمةموضوع: فوت وسرع الحاسبة مالتك   22/8/2009, 2:00 am

حاسبتك بطيئة ... ؟
او علقل , ابطئ من الطبيعي ؟ متعرف شنو المشكلة ؟


اوكي خلي نشوف احتمال اكدر اساعدك . اكثرية الناس كبل يكولون المشكلة من الملوير Malware الي هية malicious software يعني البرمجيات الخبيثة. بس ترة مو هية دائما المشكلة . صحيح بعض انوع الملوير هية الي تبطئ النظام . بس اكو هواي اسباب لخة تخلي حاسبتك بطيئة , بهلموضوع حوضحهة وحدة وحدة بالتفصيل .




حاسبتك نظيفة ؟
يعني اقصد هل هية نظيفة من التراب والجيفة هع , اكيد اكثرية كومبيوترات بغداد هيج حالتهم كل يومية عاصفة جاية وطب تملي الحاسبة تراب , وهذا ايثر على هواية شغلات , يقلل جريان الهوة . ولمن يقل جريان الهوة رح يأثر على البروسسر ويحمة والنتيجة بطئ العمليات وببعض الاحيان علغفلة تنطفي الحاسبة . تنظيف الحاسبة مهم و سهل كلش مجرد تحتاج بلور Blower اول شي افتح الكيس Case راح اتشوف المذربورد اكبالك نظف المذربورد بالبلور وكذلك نظف الكيس من التراب .







التخلص من الملفات المؤقتة Temp Files
اول شي ليش نتخلص من هل ملفات ؟ طبعا هاي الملفات تزداد بمرور الوقت وتخلص الهارد مالتك . لمن تنصب اي برنامج , كجزء من التنصيب الانستالير تستخدم ال temp (الملفات المؤقتة) . وبعض البرامج تستخدمه اثناء الاستخدام ايضاً . فرح تزداد هاي الملفات بشكل مو طبيعي , وشي اكيد المتصفح رح يجمع هاي الملفات ايضاً وبشكل اكثر من البرامج الاخرى .
لازم نتخلص من هلملفات وبشكل سريع لأن مثل مكلت رح تضل تزداد ومتخلي مجال للهارد .


طرق ازالة الملفات المؤقتة Temp Files

اكو طريقتين للتخلص من الملفات المؤقتة ( يدوية او عن طريق برامج ) وهسة رح اشرحهة بالتفصيل :


الطريقة اليدوية : (XP & Vista)
اول شي اغلق كل البرامج المشغلهة ومن ضمنهة المتصفح والانتي فايروس . هسة روح على Start > Run واكتب %Temp% بالمربع الي يطلعلك ودوس OK . رح يطلعلك فولدر هذا الفولدر يضم ملفات ومؤقتة وكذلك فولدرات مؤقتة اذا تريد تمسح كل شي , دوس Ctrl + A (حتى تحدد كلشي) وبعدين دوس Shift + Delete دوس Yes حتى تأكد على المسح .



برامج التنظيف :
اكو هواي من برامج التنظيف والافضل هية(حسب تجربتي) :

CCleaner
Cleanup!

التحميل من المرفقات


بس لتنسى الاكسبي بي برنامج تنظيف خاص بي تكدر تلكي هنا :
Start > All Programs > Accessories > System Tools > Disk Cleanup








عندك برامج قديمة ؟
عندك برامج قديمة منصبة بالحاسبة ؟ اذا عندك برامج متستخدمهة وهيج خالهة ليش متمسحهة ؟ حتى يصير عندك مجال بالحاسبة بس لتنسى ريستارت ورة متسوي ان انيستال






قلل عدد البرامج الي تطلع بالستارت اب؟
اكو عدد من البرامج تشتغل اول متشتغل الحاسبة . هواية من هل برامج متحتاجهن يشتغلون اول متشتغل الحاسبة وتكدر توكف هاي الشغلة اكو برنامج اسمه StartUpLite والتحميل من المرفقات . وهو بسيط كلش - بعد التحميل الملف فك الضغط ودوس دبل كلك على StartUpLite.exe رح يطلعلك مربع صغير يرويك البرامج الي متحتاجه عندي تشغيل الحاسبة . اختار الخيارات الي تريدهة ودوس Continue .



تحذير : لازم متسخدم MSConfig حتى بشكل مستمر حتى تسوي هلشغلة . لأن الاداة تستخدم لحل المشاكل فقط مو للأستخدام الدائم . اذا مسحت برنامج , الي اصلا انتة لاغي من الستارت اب عن طريق ال MSConfig , فمن المحتمل رح تبقى ملفات مال رجستري باقية . هاي الظاهرة رح تسوي مشاكل لمن تشغل الحاسبة كل مرة . فاستخدم StartUpLite احسن بهواية ! .






سوي دفراكمنت بين كل فترة
بين كل فترة , البيانات الموجودة بالهارد تصير مطشرة ومبعثرة بالهارد . فنظامك رح يواجه صعوبة بعملية البحث على البيانات فلمن تسوي دفراك للدرايف . وبجملة اوضح اذا سويت دفراكمنت رح يتحسن مستوى اداء النظام بشكل واضح !

طرق الدفراكمنت :

الطريقة الاولى :

افتح My Computer
رايت كلك على الدرايف الي تريد تسويلة دفراكمنت ودوس Properties.
روح على ال Tools من فوك وبعدين اختار Defragment Now
وراها دوس Defragment.
الطريقة الثانية :

روح على Start
وراها روح عل Run
واكتب بالمربع Compmgmt.msc
رح ينفتح فد شي اسمه Computer Management MMC
من عدهة دوس Disk Defragmenter
اختار الدرايف الي تريدة وراها دوس Defragment
الطريقة الثالثة :

روح على Start
وراها روح عل Run
واكتب بالمربع Dfrg.msc
كبل رح ينفتح ال Disk Defragmenter
اختار الدرايف الي تريدة وراها دوس Defragment






الهارد مالتك بي اخطاء ؟
الهارد مستحيل يضل للأبد وياك . حتى الهارد الجديد بي مشاكل . هواية من هاي المشاكل تتصل بواسطة اداة وية الوندوز اسمهة ChkDsk . هاي الاداة رح تسوي سكان للهارد وتصلح اي ملف خطأ موجود .

طريقة الاستخدام تلكيهة بموقع مايكروسوف :

للXP
للVista






واخير شي ؟

بعد مسويت كل شغلات التنظيف والسوالف هاي كلهة , سوي ريستور بوينت من ال System Restore حتى ترجع الوندوز مثل مجان وتبقى تغييراتك كلهة الشرح بالصور


للاكسبي هناhttp://bertk.mvps.org/html/createrp.html
للفزتا هناhttp://bertk.mvps.org/html/createrpv.html
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
امير كركوك
مشرف قسم الرياضة والمبايل
مشرف قسم الرياضة والمبايل


عدد المساهمات : 36
نقاط : 60
السٌّمعَة : 2
تاريخ التسجيل : 10/10/2009

مُساهمةموضوع: رد: فوت وسرع الحاسبة مالتك   14/10/2009, 4:18 pm

مشكور على الموضوع الرائع

وارجو التواصل

يسلمووووووووووو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nogi tornado
نائب المدير العام
نائب المدير العام
avatar

عدد المساهمات : 474
نقاط : 850
السٌّمعَة : 9
تاريخ التسجيل : 12/08/2009
العمر : 26
الموقع : U S A

مُساهمةموضوع: رد: فوت وسرع الحاسبة مالتك   15/10/2009, 9:51 am

شكرا على الاطراء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
فوت وسرع الحاسبة مالتك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
::: منتديات ابداع العراق ::: :: _…ـ-*™£منتديات الموبايل£™*-ـ…_ :: منتـدى الــبرامـج والثـيمـات-
انتقل الى: